ဒီအပတ် အန်ဖီးကွင်းမှာ လီဗာပူးကို ရင်ဆိုင်ရမယ့် ပွဲမတိုင်ခင် မန်စီးတီးဟာ ၅ ပွဲဆက် ရှုံးနိမ့်နေမှုကို အောင်မြင်စွာ ရပ်တန့်သွားနိုင်ပါပြီ။ မနက်က ချန်ပီယံလိဂ်ပွဲမှာ မန်စီးတီးအသင်းဟာ ဖီယင်နုကို ၃-၃ သရေကျသွားပါတယ်။
လီဗာပူးကို ရှုံးသွားရင် ၁၁ မှတ်ပြတ်သွားပြီနော် ချန်ပီယံစိန်ခေါ်မှု အစောကြီး အဆုံးသွားတော့မလား မေးခံရချိန် ဂွာဒီယိုလာက ရာသီကုန်ထိ ဘာဖြစ်မယ်ဆိုတာထက် လက်ရှိ အချိန်ကိုပဲ အကောင်းဆုံး ကျော်ဖြတ်မယ်လို့ ပြောပါတယ်။
ရီးရဲလ်မက်ဒရစ်နည်းပြ အန်ဆယ်လော့တီက သူဟာ အခုထိ အဲဗာတန်အမာခံတစ်ဦး ဖြစ်နေဆဲ ဆိုပြီး လီဗာပူးကို စိန်ခေါ်သံ ပေးပို့ပါတယ်။
လီဗာပူးကို ပြောင်းဖို့ဆိုတာ မီဒီယာတွေ ရေးသလောက် မနီးစပ်ခဲ့ကြောင်းနဲ့ ရီးရဲလ်မက်ဒရစ်က ကမ်းလှမ်းလာချိန်မှာ ပြောင်းချင်လွန်းလို့ တအိမ်သားလုံး လှုပ်ယွကုန်ခဲ့တယ်လို့ ဘယ်လင်ဟမ်က ပြောပါတယ်။
ပွဲနေ့မတိုင်ခင် ထရန့်ရဲ့ အိမ်ကို အလည်သွားမှာ မဟုတ်ပေမယ့် ပွဲပြီးရက်ကျရင် လီဗာပူးသားရဲ့ နေအိမ်မှာ သူရှိနေလိမ့်မယ်လို့ ဘယ်လင်ဟမ်က ပြောပါတယ်။
ဆာလာက ဆက်နေဖို့ထက် ထွက်သွားဖို့ ပိုများကြောင်း ပြောပေမယ့် ရီးရဲလ်မက်ဒရစ် ပွဲမှာတော့ ဆာလာကို အရန်ခုံထားဖို့ထက် ပွဲထုတ်ဖို့က များပါတယ်လို့ အာနယ် ဆလော့က စနောက်သွားပါတယ်။
ရီးရဲလ်မက်ဒရစ်ပွဲကို ထရန့် ဒဏ်ရာကြောင့် လွဲချော်မှာဖြစ်ပြီး အရန်လူစာရင်းမှာ ပါဝင်မှာဖြစ်ပါတယ်။ ဟာဗေး၊ ခီယေဆာ၊ အယ်လီဆန်၊ ဂျိုတာ၊ ကိုစတက်တို့လည်း ပါဝင်နိုင်ဖို့ မရှိပါဘူး။
ရီးရဲလ်မက်ဒရစ်ပွဲကြို မေးခွန်းဖိအားတွေအား အာနယ် ဆလော့က မိသားစုရေးရာ စကားတစ်ခွန်းဖြင့် ပါးပါးနပ်နပ်နဲ့ ရှောင်ထွက်သွားတဲ့ တကွက်ဟာ သတင်းသမားတွေကြား ချီးကျူးခံနေရပါတယ်။
မိုဆာလာဟာ လေ့ကျင့်ရေးမှာ နေ့စဉ်တိုင်း ပိုပြင်းထန်စွာ အားထုတ်ကြောင်းနဲ့ သူ့မှာ ဝမ်းနည်းနေတဲ့ အရိပ်အယောင် မရှိဘူးလို့ ရိုဘိုက ဆိုပါတယ်။