ခံစစ်အတွက် ဘလန်ဘီ ဆွဲနေတဲ့ အာနယ် ဆလော့၊ အသင်းရဲ့ အပြောင်းအရွှေ့ ပစ်မှတ်တွေ၊ အယ်လီဆန်ကို ချက်ခြင်း နေရာပေးမှာ မဟုတ်ခြင်းနဲ့ နံနက်ခင်း လီဗာပူး သတင်းတိုများ

ရီးရဲလ်မက်ဒရစ်ဟာ လက်ကျန် ဘောလုံးရာသီမှာ လီဗာပူးနဲ့ ထရန့်ကြား စာချုပ် အခြေအနေကို စောင့်ကြည့်သွားမှာဖြစ်ကာ ဇန်နဝါရီမှာ ညာခြမ်းကို အားဖြည့်မှာ မဟုတ်ပါဘူး။

ကလပ်နဲ့ မိုဆာလာ၊ ဗန်ဒိုက်၊ ထရန့်တို့ကြား စာချုပ်ကိစ္စမှာ အသင်းသားတွေ ဝင်ပါလို့ရတာ မဟုတ်ဘဲ အဆင်ပြေသွားကြစေဖို့ မျှော်လင့်တယ်လို့ မာကာက အာဂျင်တီးနား သတင်းဌာနနဲ့ အင်တာဗျူးမှာ ဖြေဆိုပါတယ်။

ပီအက်စ်ဂျီ ဥက္ကဋ္ဌ Al-Khelaifi က လီဗာပူးတိုက်စစ်မှူး ဆာလာကို သူတို့အသင်း စိတ်ဝင်စားနေကြောင်း သတင်းတွေက မမှန်ပါဘူးလို့ ငြင်းဆန်ပါတယ်။

ခီယေဆာနဲ့ ဟာဗေးတို့ နှစ်ဦးဟာ အသင်းနဲ့ ပုံမှန် လေ့ကျင့်ရေး ဆက်တိုက် ဝင်နေပြီဖြစ်ကာ ပွဲနေ့တွေမှာ ရွေးချယ်လို့ရနေပြီ ဖြစ်ပါတယ်။

အယ်လီဆန် ပြန်သက်သာလာပေမယ့် သူ့ကို ပွဲထွက်လူစာရင်းထဲ ချက်ခြင်း ပြန်နေရာပေးဖို့ မသေချာသေးဘူးလို့ နည်းပြဆလော့က ဆိုပါတယ်။

လူငယ်တိုက်စစ်သမား ဗန်ဒုတ်ဟာ ချန်ပီယံရှစ်မှာ ထူးရှယ် ခြေစွမ်းတွေ ပြသနေပြီး ဂိုးထောက်ပံ့မှုတွေ ဆက်တိုက် လုပ်ဆောင်ပေးနေပါတယ်။

လီဗာပူးအသင်းဟာ ဆိုစီဒက် ကွင်းလယ်လူ ဇူဘီမန်ဒီ၊ ဘီဘာအိုမှ တိုက်စစ်သမား နီကိုး ဝီလီယမ်တို့ကို ပစ်မှတ်စာရင်းထဲ ထည့်ထားပါတယ်။

ဇန်နဝါရီမှာ ဘာဖြစ်လာမယ်ဆိုတာ ကြိုပြောဖို့ ခက်ခဲပေမယ့် အာနယ် ဆလော့က ခံစစ်ပိုင်းဟာ လီဗာပူးအသင်း အင်အားဖြည့်လိုတဲ့ နေရာဖြစ်ကြောင်း အရိပ်အမြွက် ပေးလာပါတယ်။

ဒီဇင်ဘာမှာ ခံစစ်အတွက် လူလှည့်သုံးရဖို့ ဖြစ်လာရင် ဆိုဘိုစလိုင်နဲ့ ကာတစ်ဂျုံးတို့ဟာ အစွန်လူတွေအဖြစ် ပွဲထွက်ရဖွယ် ရှိလာပါတယ်။

ဖီယင်နု ဘယ်အစွန်လူ David Hancko (၂၆ နှစ်) က သူ့အသက်အရွယ်အရ လီဗာပူးထံ ပြောင်းဖို့ ကိစ္စက မဖြစ်နိုင်ကြောင်း ထုတ်ပြောပါတယ်။ သူ ဆလော့နဲ့ စကားပြောခဲ့ဖူးပြီး လီဗာပူးက လူသစ်ခေါ်ယူရင် ရည်ရွယ်ထားတဲ့ အသက်ကာလ အပိုင်းအခြားနဲ့ စျေးတန်းမျိုးတွေ ရှိပြီးသားလို့ သူက ပြောပါတယ်။