လီဗာပူးအသင်းရဲ့ ဘယ်အစွန်လူသစ် ရှာဖွေနေခြင်း လုပ်ငန်းစဉ်ဟာ သိသာထင်ရှားတဲ့ သတင်းတွေအဖြစ် လူရှေ့ထံ ထွက်ပေါ်လာနေပါပြီ။
ဘုန်းမောက်အသင်း ဘယ်အစွန်လူ မီလိုစ့်ကာ့ဇ်ကို လီဗာပူးဘက်က အလေးအနက် စိတ်ဝင်စားနေကြောင်းနဲ့ ဇန်နဝါရီမှာ ခေါ်ယူလိုနေကြောင်းကို အသင်းနဲ့ နီးစပ်သူတွေကပါ ယုံကြည်လက်ခံလာကြပြီဖြစ်တယ်။
တစ်ချိန်တည်းမှာပဲ ဘုန်းမောက်အသင်းဟာ ဇန်နဝါရီမှာ မီလိုစ့်ကာ့ဇ်ကို လက်လွတ်ရနိုင်ခြင်းကြောင်း အစားထိုးစရာ ဘယ်အစွန်လူသစ်ပါ ရှာဖွေနေတယ်လို့ သတင်းကြားထားရပါတယ်။
ကာ့ဇ်ရဲ့ သတင်းတွေ အရမ်းကို ကျယ်ပြန့်လာချိန်မှာ ကာရေဂါကလည်း “ ကာ့ဇ်ဟာ ဘုန်းမောက်အသင်းမှာတော့ အံ့ဖွယ် ထွက်ပေါ်မှုပဲ ဖြစ်ပါတယ် ” လို့ ထောက်ခံစကား ပြောလာနေတယ်။
“ လီဗာပူးအသင်းက သူ့ကို ခေါ်ယူသင့်ကြောင်း ကျနော် ထောက်ခံနေရတာက အသင်းဟာ ဒီနေရာအတွက် လူသစ်ရှာနေတာဖြစ်လို့ပါပဲ။ ကာ့ဇ်ကို ဘုန်းမောက်ထံ ခေါ်သွင်းခဲ့တဲ့ ရစ်ချက်ဟုချ်ကလည်း အခု လီဗာပူးအသင်းမှာ အားကစားဒါရိုက်တာ တာဝန်ယူထားပါတယ်။
ကာ့ဇ်ဟာ တိုက်ခိုက်လိုစိတ်ရှိတယ်၊ မြန်နှုန်းကောင်းတယ်။ အစွန်သမားအနေနဲ့ ကြည့်ရင်တောင် သူ့ရဲ့ ဘယ်တောင်ပံမှာ ပြေးလွှားတိုက်ခိုက်လိုစိတ်က အရမ်းပြင်းထန်တယ်။
ပရီးမီးယားလိဂ်ကို ရောက်လာပြီးတည်းက သူက သိပ်ကောင်းပြနေတယ်။ ဘုန်းမောက်မှာ ဆက်နေမလား ထွက်လာမလား စောင့်ကြည့်ဖို့ကောင်းလောက်အောင်ကို သက်ရောက်မှု ကြီးနိုင်သူဖြစ်ပါတယ် ” လို့ လီဗာပူးသားက ဆက်ပြောခဲ့ပါတယ်။
အသက် ၂၁ နှစ်ပဲ ရှိသေးတဲ့ ဆားဘီးယားဖွား မီလိုစ့်ကာ့ဇ်ဟာ ဆိုဘိုစလိုင်နဲ့အတူ ဟန်ဂေရီ လက်ရွေးစင်အသင်းမှာပါ ကစားနေတာဖြစ်ပါတယ်။