ကောင်းလွန်းလို့ အကယ်ဒမီမှာ ဖွက်တောင်ထားရတယ်လို့ လီဗာပူးသတင်းထောက်တွေ ဖော်ပြခဲ့ဖူးတဲ့ တောင်ပံသမား ရီယို နူမိုဟာကို အက်ဖ်အေဖလား တတိယအဆင့်ပွဲစဉ်မှာ လူစာရင်းထဲ ထည့်လာတော့မှာပါ။
အသင်းခေါင်းဆောင် ဗန်ဒိုက်ဟာ လီဗာပူးအသင်းနဲ့ စာချုပ်သစ်အတွက် သဘောတူညီမှု ရခဲ့ပြီဖြစ်ကာ မကြာခင်မှာ တရားဝင် ကိစ္စတွေကို လုပ်ဆောင်ပါတော့မယ်။
ကွင်းလယ်လူ ဆိုဘိုစလိုင်နဲ့ ခံစစ်မှူး ကွမ်းဆက်တို့ဟာ အက်ဆာမှာ လေ့ကျင့်ရေး ပြန်ဝင်နေပြီဖြစ်ကာ ပွဲမိနစ်တွေ ပြန်ရဖို့ အက်ဖ်အေဖလား လူစာရင်းထဲ ပါဝင်လာနိုင်ပါတယ်။
ဂျေဒန်ဒန့်၊ နိုင်ယွန်နီတို့ကိုလည်း အက်ဖ်အေဖလား လူစာရင်းထဲ ထည့်သွားမှာမို့ အဓိက ကစားသမားတွေ အနားရကြဖွယ် ရှိပါတယ်။
အီတလီကလပ်တွေနဲ့ သတင်းထွက်နေပေမယ့် လီဗာပူးဘက်က ခီယေဆာကို ဒုတိယရာသီဝက်မှာ ဆာလာရဲ့ အရန်အဖြစ် သုံးဖို့ ရည်မှန်းထားဆဲပါ။
မိုယက်စ်ဟာ အဲဗာတန်အသင်းကို မန်နေဂျာအဖြစ် ကိုင်တွယ်ရေး လာမယ့် အပတ်ထဲမှာ ပြန်လာတော့မယ်လို့ သိရပါတယ်။
အခြားအသင်းတွေ ငွေသုံးတာတွေနဲ့ နှိုင်းယှဉ်မယ်ဆိုရင် အာဆင်နယ်အတွက် အကောင်းဆုံး ယှဉ်ပြိုင်နိုင်ရေးက ခက်ခဲပါတယ်လို့ အာဆင်နယ် နည်းပြ အာတီတာက ဆိုပါတယ်။
မက်ဒယ်ဘရော့မှာ ခြေစွာနေတဲ့ ဗန်ဒုတ်အတွက် ထိုက်တန်တဲ့ ပြောင်းရွှေ့ကြေး မရဘူးဆိုရင် လျော့စျေးဖြင့် လီဗာပူးဘက်က ရောင်းချပေးမှာ မဟုတ်ပါဘူး။
နာပိုလီနဲ့ ပီအက်စ်ဂျီတို့ဟာ ဂျော်ဂျီရာ တောင်ပံသမား ကာဗာရာအတွက် စျေးနှုန်း သဘောတူညီမှု မရသေးဘဲ ပြင်သစ်ကလပ်ဟာ ယူရို သန်း ၈၀ ထက် ပိုမပေးလိုပါဘူး။
လီဗာပူးအသင်းဟာ မှန်ကန်တဲ့ အခွင့်အရေး ရောက်လာရင် ကာဗာရာအတွက် ချိတ်ဆက်သွားမှာ ဖြစ်ပေမယ့် အခုချိန်ထိတော့ နာပိုလီဘက်နဲ့ စကားပြောဆိုခြင်း မရှိသေးပါဘူး။