လီဗာပူးအသင်းဟာ ၂၁ ကြိမ်မြောက် ပရီးမီးယားလိဂ်ဖလား အောင်မြင်ရေး ပလန်တွေကို စတင်နေပြီဖြစ်ပါတယ်။ ဒါဟာ ယူနိုက်တက်ရဲ့ ၂၀၂၈ ကလပ် တည်ထောင်ခြင်း နှစ် ၁၅၀ ပြည့် မတိုင်ခင် ၂၁ ကြိမ်မြောက် ပရီးမီးယားလိဂ်ဖလားရဖို့ ရည်မှန်းထားခြင်းနဲ့ အပြိုင်ဖြစ်လာပါတယ်။
လီဗာပူးနည်းပြအဖွဲ့က အသင်းသားတွေကို လာမယ့် ၄ ပွဲမှာလည်း နိုင်ပွဲတွေရယူပြီး ဒီရာသီကို ရမှတ် ၉၀ ကျော်ဖြင့် ချန်ပီယံဖြစ်အောင် လုပ်ရမှာမို့ အပျော်ကျူးနေတာကို ရပ်တန့်ဖို့ သတိပေးထားပါတယ်။
အကြိမ် ၂၀ မြောက် အမှတ်ပေးဖလားကို မကိုင်မြှောက်ရသေးပေမယ့် မိုဆာလာကတော့ နောက်ရာသီမှာ ဖလားအောင်မြင်မှု ဆက်ယူဖို့ စိတ်ဆန္ဒ ပြင်းထန်နေပါတယ်။
ထရန့်ရဲ့ အနာဂတ်ဟာ ရီးရဲလ်မက်ဒရစ်ထံ ရောက်ရှိသွားမယ်လို့ တောက်လျှောက် ရေပန်းစားနေပေမယ့် လီဗာပူးအသင်းနဲ့ သက်တမ်းတိုးဖို့လည်း ဖြစ်နိုင်နေဆဲပါ။
လီဗာပူးအသင်းဘက်က ဒီနွေကုန်ရင် စာချုပ် ၁ နှစ်ပဲ ကျန်မယ့် အီဘူးကို သက်တမ်းတိုးစာချုပ် ပေးလိုနေပါတယ်။
တိုက်စစ်သမား လူးဝစ် ဒီယက်ဇ်နဲ့ မျက်နှာခြင်းဆိုင် စကားပြောမှာဖြစ်ကာ စာချုပ်သစ်ချုပ်ရေး ဒါမှမဟုတ် အသင်းပြောင်းခွင့်ပေးရေး တစ်ခုခုကို လီဗာပူးဘက်က အဖြေရှာပါမယ်။
ဒီနွေမှာတော့ တိုက်စစ်မှူး ဒါဝင်၊ ခီယေဆာ၊ ဂျိုတာတို့ကို လီဗာပူးဘက်က အရောင်းစာရင်း တင်ဖွယ်ရှိကာ ကိုစတက်စ်အတွက် ကမ်းလှမ်းမှုတွေကို နားထောင်ဖွယ် ရှိပါတယ်။
လီဗာပူးအသင်းဟာ ဘုန်းမောက် ဘယ်အစွန်လူ မီလိုစ့်ကာဇ်နဲ့ ဗဟိုခံစစ်မှူး ဒင်းဟက်ဆန်တို့ကို ခေါ်ယူဖို့ စိတ်ဝင်စားနေတာက ဖုန်းကွယ်စရာမလိုတဲ့ သတင်းဖြစ်လာနေပါတယ်။
တိုက်စစ်မှူးနေရာအတွက် လီဗာပူးအသင်းဟာ အင်္ဂလန်နဲ့ ဥရောပတလွှားမှ အလားအလာရှိ ကစားသမား ၅ ဦးလောက်ကို စောင့်ကြည့်နေပါတယ်။ ၎င်းတို့ထဲမှာ အီဆက်၊ အိုဆင်မန်နဲ့ ဆက်ကိုတို့လည်း ပါဝင်နေပါတယ်။