လီဗာပူးအသင်းဟာ နယူးကာဆယ်အသင်းရဲ့ ကြမ်းတမ်း ပြင်းထန်လှတဲ့ ကစားပုံတွေကို ရင်ဆိုင်အံတုရင်း နူမိုဟာရဲ့ နောက်ဆုံးမိနစ် သွင်းဂိုးကြောင့် ၃-၂ ရလဒ်ဖြင့် အိမ်အပြန် မျက်နှာပန်းလှခဲ့ပါတယ်။
နူမိုဟာဟာ အသက် ၁၆ နှစ် ၃၆၁ ရက်ဖြင့် ဂိုးသွင်းနိုင်ခဲ့တာကြောင့် လီဗာပူးအသင်းရဲ့ အသက်အငယ်ဆုံး ဂိုးသွင်းရှင်ဖြစ်လာသလို ပရီးမီးယားလိဂ်သမိုင်းမှာ ဂိုးသွင်းတဲ့ အသက်အငယ်ဆုံး ကစားသမားစာရင်းမှာ နံပါတ် ၄ နေရာချိတ်ခဲ့ပါတယ်။
ရာသီကုန်မှာ ချန်ပီယံဖြစ်ချင်တယ်ဆိုရင် ဂိုးပေးနေရတာတွေ ရပ်တန့်အောင် ကြိုးစားပြီး ခံစစ်က clean sheet ယူနိုင်ရမယ်လို့ နည်းပြအာနယ်ဆလော့က သူ့အသင်းသားတွေကို သတိပေးပါတယ်။
ခံစစ်မှာ ဆိုဘိုနဲ့ ဗန်ဒိုက်တို့ရဲ့ မယုံနိုင်စရာ စွမ်းဆောင်ရည်တွေအတွက် ချီးကျူးခံရပေမယ့် ကိုနတေးနဲ့ ကာကက်ဇ်တို့ကတော့ လိုအပ်ချက်များလွန်းလှကြောင်း မှတ်ချက်ပေးခံနေရပါတယ်။
အီဆက်အကြောင်း စကားပြောနေကြမှာထက် ပွဲတိုင်း ဂိုးသွင်းနေတဲ့ အက်ကီတီကေအကြောင်း ဇာတ်လမ်းတွေ ထွက်ပေါ်သင့်နေပြီလို့ လီဗာပူးနည်းပြက သတိပေးပါတယ်။
မြင်ဖူးသမျှထဲမှာ နိုင်တဲ့အသင်းက အညံ့ဆုံး စွမ်းဆောင်ရည်ဖြစ်ပြီး ရှုံးတဲ့အသင်းက အကောင်းဆုံး စွမ်းဆောင်ရည် ပြသနိုင်တဲ့ပွဲလို့ ကာရေဂါက မှတ်ချက်ပေးပါတယ်။
ဒုတိယပိုင်းမှာ အတ်ကီတီကေ ဂိုးသွင်းချိန် လီဗာပူးနည်းပြအဖွဲ့က ထိုင်ခုံပေါ်တောင် ရောက်မလာသေးပါဘူး။ အသင်းက အဲ့လောက် မြန်မြန်ကြီး ဂိုးသွင်းနိုင်မယ် မထင်တာကြောင့် အေးဆေး လမ်းလျှောက်လာနေမိတာပါလို့ အာနယ် ဆလော့က ဝန်ခံပါတယ်။
ကွင်းလယ်လူဗစ်ဟာ အင်္ဂလန်လိဂ်ရဲ့ ပြင်းထန်တဲ့ ရုပ်ပိုင်းဆိုင်ရာ ကစားမှုမှာ အသားကျနိုင်ဖို့ ရုန်းကန်နေရဆဲဖြစ်ပြီး ပထမပိုင်းမှာဆိုရင် သူ့ကို ထရစ်ပီယာရဲ့ အဖျက်ကြမ်းမှုဟာ ဒဏ်ရာပြင်းထန်စွာ ရနိုင်တဲ့ထိ အားပါခဲ့ပါတယ်။ ဂျာမာန်သားက ပထမပိုင်းမှာပဲ ထရစ်ပီယာကို တံတောင်နဲ့ပြန်တိုက်ခဲ့ကာ တုန့်ပြန်ခဲ့ပါတယ်။
နယူးကာဆယ် ၂-၃ လီဗာပူးပွဲမှာ ဘောလုံးကိုင်ကစားတာ ပွဲချိန်ရဲ့ ၄၀% ပဲရှိခဲ့ပြီး ဒါဟာ ၂၀၁၀ တုန်းက စတုတ်နဲ့ ဘလက်ဘန်းတို့ပွဲနောက်ပိုင်း ဘောလုံးကိုင်ကစားမှု ရာခိုင်နှုန်း အနည်းဆုံးပွဲဖြစ်ခဲ့ပါတယ်။
ဆိုဘိုကို ညာအစွန်လူနေရာမှာ ပွဲထုတ်ခဲ့ခြင်းဟာ သူ့ရဲ့ တိုက်စစ်အမြင်ရှိမှုနဲ့ သူ့ရဲ့ လှုပ်အားနှုန်း ပြင်းထန်ခြင်းတွေကြောင့်ပဲ ဖြစ်ပါတယ်။
လီဗာပူးကို အရေးနိမ့်တဲ့ပွဲမှာ နယူးကာဆယ်ဟာ ဒဏ်ရာရကစားသမားတွေ များခဲ့သလို၊ အနီကဒ်ကြောင့် ပွဲပယ်ပြစ်ဒဏ်လည်း ရင်ဆိုင်ရမှာမို့ အကြီးအကျယ် အထိနာခဲ့ပါတယ်။
ကွင်းလယ်လူ မာကာဟာ အခုချိန်ထိ လေ့ကျင့်ရေး ကောင်းကောင်းမဝင်နိုင်သေးတဲ့ ဒဏ်ရာ အခြေအနေ စိုးရိမ်စရာ အနေအထားကြောင့် နယူးကာဆယ်ပွဲကို ခက်ခဲပြင်းထန်မယ့် ပရီးမီးယားလိဂ်ပွဲမှာ ပါနိုင်ခဲ့ခြင်း မရှိပါဘူး။