လီဗီကိုးဝယ်ရဲ့ အင်စတာဂရမ် ပိုစ့်မှာ ဟာဗေး အယ်လီးယော့က ရင်းရင်းနှီးနှီး စကားပြောမှုတွေ လုပ်နေတာမို့ အေးဂျင့်ဟာဗေး လုပ်ပေးနေပြီလို့ လီဗာပူးပရိသတ်တွေက နောက်ပြောင်နေကြပါတယ်။
လီဗာပူးအသင်းဟာ ရိုမီယို လာဗီယာကို စိတ်ဝင်စားနေဆဲ ဖြစ်ပေမယ့်လို့ အခုချိန်ထိ ကမ်းလှမ်းမှု လုံးဝ မလုပ်ထားပါဘူး။ ဆောက်သမ်တန်ကလည်း သူတို့ ကွင်းလယ်လူအတွက် ပေါင် သန်း ၅၀ တောင်းဆိုဖို့ ပြင်ဆင်ထားဆဲ ဖြစ်ပါတယ်။
လီဗာပူးအသင်းဟာ ကွင်းလယ်လူ လူသစ် မခေါ်ယူခင် လက်ရှိ လူစာရင်းထဲက ကွင်းလယ်လူ အချို့ကို ရောင်းထုတ်ဖို့ လိုအပ်မှာ ဖြစ်ပါတယ်။ အရောင်းမရှိဘဲ အဝယ်ပိုင်းကို အာရုံစိုက်ဖွယ် မရှိပါဘူး။
ဆော်ဒီကို ရောက်ရှိသွားတဲ့ ဘော်ဘီ ဖာမင်နိုကို အသင်းသစ်မှ ပရိသတ်တွေက တခဲနက် ကြိုဆိုခဲ့ကြပါတယ်။
အသင်းခေါင်းဆောင် ဟန်ဒါဆန်ဟာ ရာသီသစ်အတွက် ကြိုတင် ပြင်ဆင်နေပြီဖြစ်ကာ ပြင်းထန်လှတဲ့ သူ့ရဲ့ ရုပ်ပိုင်းဆိုင်ရာ လေ့ကျင့်မှုတွေဟာ အသင်းပရိသတ်တွေကို သဘောကျစေခဲ့ပါတယ်။
ဘော်ဘီ ဖာမင်နိုကို လက်လွတ်ခံလိုက်တဲ့ လီဗာပူးအသင်းရဲ့ ဆုံးဖြတ်ချက်ကို ကစားသမားဟောင်း အန်ရီကေးက အံ့အားသင့်နေခဲ့ကာ ဂက်ပို၊ ဒါဝင်နဲ့ ဒီယက်စ်တို့အတွက် ဖာမင်နိုကို ဆက်ထိန်းခဲ့သင့်တာလို့ မှတ်ချက်ပေးပါတယ်။
လိဒ်စ်ယူနိုက်တက်၊ ဖီယင်နိုတို့ထံက နက်ဖီးလစ်အတွက် စိတ်ဝင်စားမှု ရရှိခဲ့ပေမယ့် ပေါင် ၁၀ သန်းဖြင့် ရောင်းချမယ်လို့ အကြောင်းပြန်ပြီးတည်းက ကလပ် ၂ သင်းလုံး ပြန်မလာသေးပါဘူး။
မိုဆာလာ ခြေချောင်းကျိုး ဒဏ်ရာ ရနေကြောင်း သတင်းတွေ ထွက်ပေါ်နေပေမယ့် တိုက်စစ်သမားက ဒဏ်ရာ ပြဿနာ မရှိဘဲ ကောလဟာလတွေပဲ ဖြစ်ပါတယ်။