မနေ့ညပိုင်းမှာပဲ ဂျာမနီက လီဗာပူးအသင်း ရာသီကြို လေ့ကျင့်ရေးကို ယူ-၂၁ ယူရို ချန်ပီယံတွေဖြစ်တဲ့ ကာတစ်ဂျုံးနဲ့ ဟာဗေးတို့ ရောက်ရှိလာခဲ့ပါတယ်။ အသင်းဖော်တွေဖြစ်တဲ့ ဗန်ဒိုက်၊ ကိုနတေးနဲ့ ဆိုဘိုတို့က ကြိုဆိုခဲ့ကြပါတယ်။
ပဲလေစ့်အသင်းဘက်က ဒူကူရေအတွက် ပြောင်းရွှေ့ကြေး ပေါင် သန်း ၇၀ တောင်းဆိုတာဟာ စျေးကွက်တန်ကြေးအရ သင့်လျော်တဲ့ ပမာဏလို့ လီဗာပူး တာဝန်ရှိသူတွေ လက်ခံတယ်လို့ ဘီဘီစီက ဖော်ပြခဲ့ပါတယ်။
၂၀၂၁ မှာ ဟန်ဒါဆန်ကို ၄ နှစ် သက်တမ်းတိုးဖို့ အားကစားဒါရိုက်တာဟောင်း မိုက်ကယ် အတ်ဝဒ်က သဘောမတူဘဲ ကလော့ပ်က အသင်းခေါင်းဆောင်ကို သက်တမ်းတိုးဖို့ ကလော့ပ်က တိုက်တွန်းခဲ့တာလို့ တယ်လီဂရပ်က ဖော်ပြခဲ့ပါတယ်။
လီဗာပူး လူငယ်ကစားသမား ဒေါမနစ် ကော်နက်စ်ဟာ စွန့်စားတဲ့ ပြောင်းရွှေ့မှုအဖြစ် ဆွစ်စူပါလိဂ်ကလပ်ထံ အငှားဖြင့် ပြောင်းခဲ့ပါပြီ။ ဒါဟာ အသက် ၂၀ အရွယ် ကွင်းလယ်လူအတွက် ပထမဆုံးသော စီနီယာအခွင့်အရေး ဖြစ်ပါတယ်။
လီဗာပူးအသင်းဟာ မက်ဒရစ် ကွင်းလယ်လူ ချူအာမီနီကို အလေးအနက် စိတ်ဝင်စားနေတာ ဖြစ်ပါတယ်။ ဒီနွေမှာ မက်ဒရစ်ဘက်က ပြင်သစ် ကွင်းလယ်လူကို ရောင်းချမယ်လို့ လမ်းဖွင့်ပေးတာနဲ့ ဝင်ရောက် ကမ်းလှမ်းဖို့ ပြင်ဆင်ထားပါတယ်။
အားကစားဒါရိုက်တာ ဂျော့ရှမတ်ကီရဲ့ ပြောဆိုမှုအရ သူ့ရဲ့ တာဝန်ဟာ မိုက်ကယ် အတ်ဝဒ်၊ ဂျူလီယန်ဝတ်တို့ထက် တစ်ဆင့်နိမ့်ပြီး ယာဂင်ကလော့ပ် ဆုံးဖြတ်ချက် လုပ်ရ လွယ်ကူဖို့ စီစဉ်ပေးရသူဖြစ်ပါတယ်။
လာမယ့်ရာသီအတွက် ရေပန်းစားမှုတွေအရ လီဗာပူးအသင်းဟာ ချန်ပီယံလိဂ် ဝင်ခွင့် တစ်နေရာ ပြန်ယူနိုင်မှာ ဖြစ်ပေမယ့် အမှတ်ပေးဖလား စိန်ခေါ်နိုင်ဖို့ကတော့ မန်စီးတီး၊ အာဆင်နယ်တို့ နောက်မှာပဲ ရှိနေပါတယ်။
ဖူလ်ဟမ်အသင်းဟာ သူတို့ ကွင်းလယ်လူ ပါလင်ဟာအတွက် ပြောင်းရွှေ့ကြေးကို လျော့ချဖို့ အစီအစဉ် မရှိဘဲ ပေါင် သန်း ၈၀ စျေးသတ်မှတ်ထားဆဲ ဖြစ်ပါတယ်။