ဒိုင်ချုပ် ဟောင်းဝတ်ဝဘ်ဟာ လီဗာပူးဘက်က ဖိအားပေးနေတာကြောင့် စပါးပွဲမှာ ခွင့်ပြုခဲ့ခြင်း မရှိတဲ့ သွင်းဂိုးအတွက် VAR ခန်းက ဘာတွေ ဆွေးနွေးခဲ့ကြလဲ အသံဖိုင်ကို ထုတ်ပေးရဖွယ် ရှိနေပါတယ်။
စနေနေ့ပွဲမှာ ဘာဖြစ်ခဲ့တယ်ဆိုတဲ့ ကိစ္စ အားလုံးကို လီဗာပူးအသင်းဘက်က အသေးစိတ် ပြန်ပြီး လေ့လာသုံးသပ်လိုကာ ကာရေဂါကတော့ အသံဖိုင်ကို ခပ်မြန်မြန် ထုတ်ပြလာခြင်း မရှိတဲ့ ပရီးမီးယားလိဂ်ကို စတင် ဝေဖန်နေပါပြီ။
လီဗာပူးအသင်း အမိုက်ခံပြီး ပရီးမီးယားလိဂ်နဲ့ ထိပ်တိုက်တွေ့ဖို့ ရွေးချယ်ခြင်းဟာ ဒိုင်တွေဟာ ဘယ်တော့မှ မမှားဘူးဆိုတဲ့ အင်္ဂလန်လိဂ်ရဲ့ ခံယူချက်ကို ပြောင်းလဲဖို့ထိ သက်ရောက်မှု ရှိနိုင်မယ်လို့ ဘောလုံးပရိသတ်တွေ မျှော်လင့်နေကြပါတယ်။
လီဗာပူးဘက်က မတောင်းဆိုရင် ပရီးမီးယားလိဂ် ဒိုင်ဘက်က VAR အသံဖိုင်ကို ထုတ်ပေးဖို့ အစီအစဉ် မရှိပါဘူး (အခုလည်း မထုတ်ပေးသေးပါဘူး)။ ၎င်းတို့က ပွဲအတွင်းမှာ လူသားအမှား ဖြစ်ခဲ့ကြောင်း စာထုတ်ပေမယ့် သူတို့ မှားပါတယ်လို့ စကားလုံး တစ်လုံးမှ မပါခဲ့ပါဘူး။
ကာတစ်ဂျုံးရဲ့ အနီကဒ်ကို လီဗာပူးအသင်း အယူခံဝင်မှာဖြစ်ပြီး စပါးပွဲမှာရတဲ့ အနီကဒ်က ပြင်းထန်လွန်းတယ်လို့ အသင်းဘက်က ယုံကြည်ထားပါတယ်။
ဂယ်ရီနဗီးကတော့ ပရီးမီးယားလိဂ်ကို ဖိအားပေးတဲ့ လီဗာပူးရဲ့ လုပ်ရပ်ဟာ မှားယွင်းကြောင်း နောက်ထပ် တစ်ကြိမ် ဝေဖန်လိုက်ပြန်ပါတယ်။
စပါးပွဲမှာ ဒဏ်ရာရခဲ့တဲ့ ဂက်ပိုဟာ ပြင်းထန်တဲ့ အခြေအနေတစ်ခုကို ရှောင်လွဲနိုင်ခဲ့ပြီး အောက်တိုဘာ နိုင်ငံတကာ သီတင်းပတ် အပြီးမှာ ပြန်ကစားနိုင်ဖွယ် ရှိပါတယ်။
လီဗာပူးပရိသတ်တွေက ဒါဝင်နူးညက်စ်အား အောင်ပွဲခံချိန်မှာ အသံပုံကို လက်နဲ့ ပြသခြင်းထက် ယာဂင်ကလော့ပ်ကို ရင်ဘတ်ဖြင့် ‘Big Heart’ အမူအယာ ပြောင်းလဲ ပြသဖို့ တိုက်တွန်းနေပါတယ်။
လီဗာပူးအသင်းရဲ့ လာမယ့် ပရီးမီးယားလိဂ် ပွဲစဉ် ၅ ပွဲကတော့ ဘရိုက်တန် (အဝေးကွင်း)၊ အဲဗာတန် (အိမ်ကွင်း)၊ ဖောရက်စ် (အဝေး)၊ လူတန်တောင်း (အဝေး)နဲ့ ဘရန့်ဖိုဒ့် (အိမ်ကွင်း) တို့ပဲ ဖြစ်ပါတယ်။