လီဗာပူးအသင်းဟာ ဂျိုတာ၊ အန်ဒို၊ ဒါဝင်၊ ဂရာဗင်ဘက်ချ်၊ ဆာလာတို့ရဲ့ သွင်းဂိုးတွေနဲ့အတူ တူးလုစ့်ကို ၅-၁ ရလဒ်ဖြင့် အနိုင်ရကာ ယူရိုပါလိဂ် အုပ်စုဗိုလ်နေရာ ဆက်ထိန်းထားပါတယ်။
ဒီရာသီ ပြိုင်ပွဲစုံ အိမ်ကွင်း ၇ ပွဲဆက်တိုက် အနိုင်ရခဲ့ခြင်းဟာ ၁၉၉၀-၁၉၉၁ ခုနှစ် နောက်ပိုင်း ပထမဆုံး အကြိမ် ဖြစ်ပါတယ်။
မိုဆာလာဟာ လီဗာပူးအတွက် ဥရောပပွဲတွေမှာ သွင်းဂိုး ၄၃ ဂိုး ရခဲ့ပြီဖြစ်ကာ ဒါဟာ သမိုင်းတစ်လျှောက် အင်္ဂလန်ကလပ်တွေထဲမှာ အများဆုံးသော ဥရောပသွင်းဂိုး ဖြစ်လာပါတယ်။
ဂရာဗင်ဘက်ချ်ဟာ လီဗာပူးအတွက် ၅ ပွဲ ပွဲထွက်ရာမှာ ကိုယ်တိုင် ၂ ဂိုး သွင်းပြီး ဂိုးထောက်ပံ့မှု ၂ ကြိမ် လုပ်ထားနိုင်ပါတယ်။
လီဗာပူးအသင်းမှာ သူ့နေရာကို သူ့ဘာသာ ရှာဖွေနေတဲ့ ဂရာဗင်ဘက်ချ်ကို နည်းပြကလော့ပ်က ချီးကျူးလိုက်ပါတယ်။ လူငယ်ကစားသမား တစ်ဦးဟာ အခုလို တိုးတက်မှုတွေ ရှာနိုင်ဖို့ အရေးကြီးတယ်လို့ သူက ပြောပါတယ်။
လုခ်ချိမ်ဘာက အသက် ၆ နှစ်တည်းက အကယ်ဒမီကို ပူးပေါင်းခဲ့ပြီး အခုလို ထိပ်တန်းအဆင့်ပွဲမှာ ပါဝင်ခွင့်ရကာ အနိုင်ရခဲ့ခြင်းအတွက် ပျော်ရွှင်နေပါတယ်။
တူးလုစ့်ပွဲမှာ တစ်ဦးချင်း စီးချင်းထိုးမှု ၁၅ ကြိမ်မှာ ၁၁ ကြိမ် အောင်မြင်ခဲ့တဲ့ ကွင်းလယ်ခံစစ်သမား ဝါတာရုဟာ လိုင်းတွေကို ကျော်ပြီး တိုက်စစ်အမြင်နဲ့ ဘောလုံး ပေးနိုင်စွမ်း ရှိခြင်းအပေါ် နည်းပြအဖွဲ့က ချီးကျူးခဲ့ပါတယ်။
Darwin Núñez beat a Toulouse defender and the goalkeeper to have an open goal to himself.
His shot hit the post, but Ryan Gravenberch was there to score for Liverpool.
Unlucky for Darwin 😅 pic.twitter.com/80Dui1E7KG
— ESPN FC (@ESPNFC) October 26, 2023
ဒါဝင်နူးညက်စ် အဆုံးသတ်ချက် တိုင်ထိသွားခြင်းကို ကလော့ပ်က သိပ်ပြီး ဂရုစိုက်မနေဘဲ တစ်ပွဲလုံးမှာ ခံစစ်ထိ ကူညီခဲ့တဲ့ သူ့ရဲ့ စွမ်းဆောင်ရည်ကိုပဲ အသိအမှတ်ပြုစကား ပြောဆိုသွားပါတယ်။
လီဗာပူးအသင်းဟာ ဒီအပတ်မှာ ဖောရက်စ်ကို အိမ်ကွင်းမှာ ဧည့်ခံခြင်းဖြင့် ပရီးမီးယားလိဂ်ပွဲတွေကို ဆက်လက် ယှဉ်ပြိုင်ရပါမယ်။