ဘရန့်ဖိုဒ့်ကို ၁-၀ နဲ့ အနိုင်ရတာကြောင့် ၂ ပွဲပိုကစား ၁ မှတ်လျော့ဖြင့် အသင်းဟာ အဆင့် ၄ က ယူနိုက်တက်နောက်မှာ ဆက်ရှိနေပါတယ်။
အဆင့် ၄ နေရာကို စိန်ခေါ်နိုင်ပြီးလား အမေးကို ကလော့ပ်ကတော့ လွန်ခဲ့တဲ့ ၆ ပွဲတုန်းကဆိုရင် လီဗာပူး ဒီနေရာ ပြန်ရောက်လာမယ်လို့ ဘယ်သူမှ မထင်ခဲ့ကြောင်းနဲ့ အခုချိန်မှာ ပွဲတွေ နိုင်နေဖို့ပဲ လိုပါတယ်လို့ တုန့်ပြန်ပါတယ်။
အန်ဖီးကွင်းမှာ အယ်လီဆန် အချိန်ဆွဲလို့ အဝါကဒ်ရခဲ့တာက သူတို့အသင်းရဲ့ စွမ်းဆောင်ရည်ကို ထင်ဟပ်စေခဲ့ပါတယ်လို့ နည်းပြသောမက်စ်ဖရန့်က ဂုဏ်ယူစွာ ပြောဆိုပါတယ်။
လီဗာပူးအသင်းဟာ အားကစားဒါရိုက်တာ ရာထူးအတွက် ဝုဒ်ဘတ် ဒါရိုက်တာ ဂျော့ရှမတ်ကီကို တာဝန်ပေးမယ်လို့ သတင်းတွေ ကျယ်လောင်လာပါတယ်။ သူဟာ ကလော့ပ်နဲ့ ရင်းနှီးတဲ့ ဆက်ဆံရေး ရှိသူလို့ သိရပါတယ်။
ထရန့်ဟာ ကွင်းလယ်နေရာမှာ အံဝင်ပေမယ့်လို့ နွေမှာ ဘယ်လို ကစားသမား ရမလဲအပေါ် မူတည်ပြီး သူ ဘယ်နေရာမှာ ကစားရမယ်ဆိုတာ သိရပါမယ်လို့ ကလော့ပ်က ဖြေပေးပါတယ်။
တိုက်စစ်မှူး ဆာလာဟာ လီဗာပူး ဂန္တဝင်ကြီးရဲ့ ကလပ်အတွက် သွင်းပေးခဲ့တဲ့ သွင်းဂိုး ၁၈၆ ဂိုးကို လိုက်မှီခဲ့ပြီ ဖြစ်ပါတယ်။
ကာရေဂါက ထရန့်ကို ကွင်းလယ်မှာ ထားခြင်းဟာ လီဗာပူးကို ပေါင် သန်း ၁၀၀ လောက် သက်သာစေမယ်လို့ ထုတ်ပြောပြီး ညာအစွန်ထံ ပြန်မပို့ဖို့ တိုက်တွန်းလာပါတယ်။
ဘိုင်ယန်မြူးနစ် ကွင်းလယ်လူ ဂရာဗင်ဘက်ချ်ကို ခေါ်ယူရေးမှာ ပါဝင်ဖို့ မန်စီးတီး အသင်းကလည်း စဉ်းစားလာနေတယ်လို့ သိရပါတယ်။
စပို့တင်း ကွင်းလယ်လူ ဂွန်ကာလို အဆန်စီယိုကို ခေါ်ယူရေးအတွက် လီဗာပူးဘက်က စုံးစမ်းမှု ပြုလုပ်ခဲ့ပါတယ်။
အသင်းအတွက် clean sheet ၁၀၀ ပြည့်သွားတဲ့ ဂိုးသမား အယ်လီဆန်အတွက် ကျောနံပါတ် ၁၀၀ ပါ အထူးဂျာစီ တစ်ထည်ကို အသင်းဘက်က စီစဉ်ပေးခဲ့ပါတယ်။