စပို့တင်းနည်းပြ အမ်မိုရင်းက သူ ပေါ်တူဂီကလပ်မှာ ဆက်နေဖို့ အာမခံချက်မရှိဘူးလို့ ထုတ်ပြောခဲ့ကာ အသင်းပြောင်းနိုင်ကြောင်း အရိပ်အမြွက် ပေးလာပါတယ်။
အိုးထရတ်ဖိုဒ့်မှာ ယူနိုက်တက်ကို အနိုင်ယူဖို့ဟာ စိန်ခေါ်မှုကြီးဖြစ်ပြီး ဒီအပတ်ပွဲမှာ အနိုင် ၃ မှတ်ယူလိုတယ်လို့ ဗန်ဒိုက်က ဝန်ခံပါတယ်။
အိုးထရတ်ဖိုဒ့်ကပွဲမှာ စစ်မှန်တဲ့ ပရိသတ်တွေရဲ့ အဆင့်အတန်းကို ပြသဖို့ ကလော့ပ်က လီဗာပူးပရိသတ်တွေကို တောင်းဆိုပါတယ်။ ဒီကာလတွေအတွင်း နှစ်သင်းပရိသတ်တွေကြား ရန်လိုမှုတွေ ပြန်လည် ထွက်ပေါ်လာနေတာပါ။
ဖာနန်ဒို တောရက်စ်ဟာ အက်သလက်တီကို မက်ဒရစ် ယူ-၁၉ နည်းပြအဖြစ်ကနေ နှုတ်ထွက်ဖို့ ပြင်ဆင်နေပါတယ်။ သူ ဘယ်အသင်းထံ ရောက်မယ် မသိရသေးပါဘူး။
လီဗာပူးအသင်းဟာ ဒီရာသီ ဥရောပမှာ ပြိုင်ပွဲစုံ သွင်းဂိုး အများဆုံးအသင်းအဖြစ် ၁၂၅ ဂိုးနဲ့ ထိပ်ဆုံးမှာ ရပ်တည်နေပါတယ်။
ရှက်ဖီးယူနိုက်တက်ပွဲမှာ ဂက်ပိုအတွက် ဂိုးထောက်ပံ့မှု လုပ်ပေးနိုင်တဲ့နောက် ရော်ဘတ်ဆန်ဟာ ထရန့်ကို ကျော်ဖြတ်ပြီး ပရီးမီးယားလိဂ်သမိုင်းမှာ ဂိုးထောက်ပံ့မှု အများဆုံး လုပ်ပေးနိုင်တဲ့ ခံစစ်သမား ဖြစ်လာပါတယ်။
ကွင်းလယ်လူ သီယေဂိုတစ်ယောက် ပြန်လည် ကြံ့ခိုင်လာဖို့ လေ့ကျင့်နေတဲ့ ပုံရိပ်တွေ ထွက်ပေါ်လာနေပါတယ်။ သူ ဒီရာသီ လီဗာပူးအသင်းအတွက် ပွဲအနည်းငယ် ကစားပေးနိုင်ဖွယ် ရှိပေမယ့် အန်ဒို၊ မာကာကို ကျော်ပြီး နေရာရဖို့က ခက်ခဲမှာပါ။
ဘရိုက်တန်တိုက်စစ်သမား ဖာဂူဆန်က ဒါဝင် နူးညက်စ်ပရိသတ်ဖြစ်ဟန်ရှိကာ သူအကြိုက်ဆုံး တိုက်စစ်သမားတွေရဲ့ အရည်အချင်းမှာ ဒါဝင်ကို ၂ ကြိမ် ရွေးချယ်ခဲ့ပါတယ်။
Evan Ferguson is a Núñez fan! pic.twitter.com/TUkyOHtHRf
— The Anfield Talk (@TheAnfieldTalk) April 5, 2024
စပိန်သတင်းတွေကတော့ လီဗာပူးအသင်းဟာ ရီးရဲလ်မက်ဒရစ် ကွင်းလယ်လူ ဗယ်ဗာဒီကို ခေါ်ယူနိုင်ရေး ကြိုးစားလိမ့်မယ်လို့ ဖော်ပြနေကြပါတယ်။