အန်ဖီးကို ပြောင်းဖို့ ငြင်းခဲ့တဲ့ ရိုဒရီဂို၊ အမ်မိုရင်း စကားပြောနေမှု၊ ဆန်းဒါးလန်း ဂိုးသမားကို ခေါ်ယူဖွယ်ရှိခြင်းနဲ့ နံနက်ခင်း လီဗာပူး သတင်းတိုများ

လီဗာပူးအသင်းဟာ အမ်မိုရင်းကို ၃ နှစ်စာချုပ်ဖြင့် ကမ်းလှမ်းနိုင်ဖို့ စကားပြောနေပြီဖြစ်ကြောင်း ပေါ်တူဂီသတင်းတွေက ဖော်ပြပါတယ်။ အင်္ဂလန်ဘက်က သတင်းတွေကတော့ အခုချိန်ထိ တိတ်ဆိတ်နေဆဲပါ။

အယ်လီဆန်၊ ဂျိုတာနဲ့ ထရန့်တို့ ယူရိုပါလိဂ်ပွဲကြို အသင်းလိုက် လေ့ကျင့်ရေးထဲ ပြန်ဝင်လာကြဖွယ် ရှိနေပါတယ်။

ယူနိုက်တက်ပွဲအပြီး လီဗာပူးပရိသတ် အချို့ထံက ပြင်းထန်တဲ့ ထိုးနှက်မှုတွေကြောင့် ကွမ်းဆက်ဟာ သူ့ရဲ့ အင်စတာဂရမ်မှာ မှတ်ချက်ပေးခွင့်ကို ပိတ်ခဲ့ရပါတယ်။

မိုဆာလာအတွက် မြင့်မားတဲ့ ပြောင်းရွှေ့ကြေးရရင် လီဗာပူးဘက်က ရောင်းထုတ်နိုင်ကြောင်း သတင်းတွေ ထွက်ပေါ်လာပါတယ်။ ဆော်ဒီကလပ်တွေက စိတ်ဝင်စားမှု ပြသထားဆဲဖြစ်ကာ Al-Ittihad အသင်းက အရေးသာနေပါတယ်။

လိစ်ဒ်ယူနိုက်တက်မှ နယ်သာလန်သား တောင်ပံသမား Crysencio Summerville ကို လီဗာပူးဘက်က သဘောကျမှု ရှိနေပါတယ်။

ဂျင်မီကာရေဂါကတော့ အာဆင်နယ်၊ မန်စီးတီး နှစ်သင်းလုံး ချန်ပီယံလိဂ် ဆီမီးဖိုင်နယ်ထံ တက်ရောက်နိုင်ဖို့ ဆုတောင်းပေးလိုက်ပြီး ဒါက ပရီးမီးယားလိဂ်မှာ သူတို့ကို အခက်တွေ့စေဖို့ ရည်ရွယ်ပါတယ်။

မာဆေးဆိုဒ်ဒါဘီပြိုင်ဘက် အဲဗာတန်ဟာ ဒုတိယအကြိမ် ပြစ်ဒဏ်အဖြစ် ပရီးမီးယားလိဂ်ထံက ၂ မှတ်လျော့ ပြစ်ဒဏ်ကို ရရှိခဲ့ပါတယ်။

၂၀၁၇ ခုနှစ်တုန်းက လီဗာပူးအသင်းဟာ ဆန်းတိုစ့် လူငယ်တိုက်စစ်သမား ရိုဒရီဂိုကို ယူရို ၃ သန်းတန်ဖြင့် ချိ်တ်ဆက်ပေမယ့် လက်ရှိ ရီးရဲလ်မက်ဒရစ် တိုက်စစ်မှူးက ပယ်ချခဲ့တယ်လို့ သူကိုယ်တိုင် ထုတ်ပြောလာပါတယ်။

ဒီနွေမှာ ကလယ်ဟာက ပုံမှန်ပွဲထွက်ခွင့်ရမယ့် အသင်းသစ် တစ်သင်းထံ ပြောင်းရွှေ့သွားဖွယ် ရှိနေပါတယ်။

အတ်ဒရီယန်ပါ ထွက်ခွာသွားမယ့် ဂိုးသမားနေရာအတွက် ဆန်းဒါးလန်းအသင်းမှ အသက် ၂၃ နှစ်အရွယ် ဂိုးသမား Anthony Patterson ကို လီဗာပူးဘက်က ချိတ်ဆက်ဖွယ်ရှိပါတယ်။