ချယ်ဆီးအသင်းဟာ လီဗာပူးကင်းထောက်တွေကို သူတို့ရဲ့ အကယ်ဒမီပွဲတွေ တက်ကြည့်ခွင့် မပေးဖို့ ပိတ်ပင်လိုက်ပါပြီ။ လက်တလော ချယ်ဆီးကြယ်ပွင့်တွေထဲ စောင့်ကြည့်ရလောက်တဲ့သူ မရှိလို့ လီဗာပူးဘက်က ဒီဖြစ်ရပ်ကို ပရီးမီးယားလိဂ်ထံ မတိုင်ဖို့ ဆုံးဖြတ်ထားပါတယ်။
လီဗာပူးကနေ ထွက်လိုခဲ့ပေမယ့် အခုချိန်မှာ အသင်းအတွက် အကောင်းဆုံး ကစားပေးနိုင်ဖို့ပဲ ကြိုးစားမယ်လို့ ကလယ်ဟာက ပြောပါတယ်။
နောက်အပတ် အမ်းမရိတ်မှာ ယှဉ်ပြိုင်ရမယ့်ပွဲမှာ အာဆင်နယ်ဘက်က ခံစစ်မှူး ဆာလီဘာ ပါဝင်နိုင်မှာ မဟုတ်ပါဘူး။ ဆာလီဘာဟာ ဘုန်းမောက်ပွဲမှာ တိုက်ရိုက် အနီထိခဲ့တာကြောင့် ၁ ပွဲ လွဲမှာဖြစ်ပါတယ်။
မာကာဟာ ချယ်ဆီးပွဲအတွက် ပွဲနေ့လူစာရင်းထဲ ပါဝင်လာနိုင်ဖွယ် ရှိပါတယ်။ ကိုစတက်နဲ့ အန်ဒိုတို့ကတော့ မသေချာသေးပါဘူး။
ဒေါ့မွန်ပရိသတ်တွေအပြင် မိန့်ဇ်ပရိသတ်တွေလည်း ရတ်ဘူးအဖွဲ့နဲ့ ပူးပေါင်းခဲ့တဲ့ ကလော့ပ်ကို ဆန့်ကျင်နေကြပါတယ်။
ဒါဝင်ဟာ သူ့ရဲ့ အုပ်ထိန်းသူ ယာဂင်ကလော့ပ် မရှိတော့တဲ့နောက် အားကိုးရာမဲ့နေကြောင်းနဲ့ အာနယ် ဆလော့ လက်ထက်မှာ မျှတတဲ့ ပြိုင်ဆိုင်မှုမရဘူးလို့ ခံစားနေရတယ်ဆိုပြီး Sport Witness က ဖော်ပြလာပါတယ်။
ကြယ်ပွင့်အချို့ အခြားသော ထိပ်တန်းကလပ်တွေနဲ့ သတင်းထွက်နေတဲ့အပေါ် ဆလော့ကတော့ “မင်းတို့တွေ လီဗာပူးကစားသမားတွေကို အထင်မသေးပါနဲ့ သူတို့ဟာ ထိပ်တန်းအသင်းတွေနဲ့ နေ့တိုင်း သတင်းထွက်နေလောက်တဲ့ သူတွေပါ” လို့ တုန့်ပြန်ပါတယ်။
ချယ်ဆီးပွဲမှာ လူစားဝင်ကစားသမားအဖြစ် မိနစ် အနည်းငယ်ပဲ ပါဝင်ရပါစေ ကစားပေးဖို့ အဆင်သင့်ပဲလို့ ကာတစ်ဂျုံးက ထုတ်ပြောပါတယ်။
ဘုန်းမောက်ပွဲအပြီးမှာ နည်းပြတန်ဟက်က ဒီရာသီ သူတို့အသင်းဟာ စပါးတစ်ပွဲတည်းမှာပဲ ခြေစွမ်းညံ့ခဲ့ဖူးတယ်လို့ ထုတ်ပြောသွားပါတယ်။ အိုးထရတ်ဖိုဒ့်မှာ လီဗာပူးကို ၃-၀ နဲ့ ရှုံးခဲ့တာကို သူ ခပ်မြန်မြန်ပဲ မေ့လိုက်ဟန် ရှိပါတယ်။