ကင်းထောက် နယ်ပယ်ကို တိုးချဲ့ခြင်း၊ တင်းမာနေတဲ့ ညိနှိုင်းမှု၊ လိဂ်တူးကလပ်ဖြင့် အတွဲကျတဲ့ အက်ဖ်အေဖလားနဲ့ နံနက်ခင်း လီဗာပူး သတင်းတိုများ

အက်ဖ်အေဖလား တတိယအဆင့်မှာတော့ လီဗာပူးအသင်းဟာ လိဂ်တူးကလပ် Accrington Stanley အသင်းကို အန်ဖီးကွင်းမှာ ဧည့်ခံရပါမယ်။

မိုဆာလာဟာ လီဗာပူးအသင်းဘက်က ကမ်းလှမ်းမယ့် ၁ နှစ် သက်တမ်းတိုး စာချုပ်ကို လက်ခံဖွယ် ရှိပါတယ်။ ဆွေးနွေးမှုတွေအတွင်း မကျေလည်မှုတွေတော့ ရှိနေပါတယ်။

လီဗာပူးအသင်းဟာ ကလပ်ရဲ့ ကင်းထောက် နယ်ပယ်ကို တိုးချဲ့မှုတွေဖြင့် ပြန်လည် ဖွဲ့စည်းနေသလို ကစားသမား အငှားချမှု ဌာနကိုလည်း အပြောင်းအလဲတွေ လုပ်ဆောင်နေပါပြီ။

ရီးရဲလ်မက်ဒရစ်ဟာ ထရန့်ကို ခေါ်ယူလို့ မရနိုင်မယ့် အခြေအနေအတွက် ပြင်ဆင်လာနေပြီး ယူနိုက်တက် ညာအစွန်လူ ဒါလော့ကို ချိတ်ဆက်မယ်ဆိုတဲ့ သတင်းတွေ ထွက်နေပါတယ်။ တကယ်နောက်ဆုတ်သွားရင်တော့ သတင်းကောင်းပါပဲ။

ဗန်ဒိုက်ဟာ ပရီးမီးယားလိဂ်က မြင်ဖူးသမျှထဲမှာ အကောင်းဆုံးဖြစ်တယ်လို့ ကာရေဂါက ညွှန်းဆိုလိုက်ပြီး နယ်သာလန်သားဟာ အကောင်းဆုံး ပုံစံတွေဖြင့် လီဗာပူးကို ဦးဆောင်ပေးနေတယ်လို့ ထောက်ပြသွားပါတယ်။

မနှစ်ကရာသီ ဂျာမာန်၊ အင်္ဂလန်နဲ့ စပိန် ချန်ပီယံ ၃ သင်းလုံးကို ဒီရာသီ လီဗာပူးအသင်းဟာ ပေးဂိုး မရှိဘဲ ဂိုးပြတ်တွေချည်း အနိုင်ယူခဲ့ပြီဖြစ်ပါတယ်။

အယ်လီဆန်ဟာ ကြားရက် နယူးကာဆယ်ပွဲအတွက် အဆင်သင့်ဖြစ်နေမှာဖြစ်ကာ ဂျိုတာကတော့ အဲဗာတန်ပွဲမှာ ပွဲနေ့လူစာရင်းထဲ ပြန်ပါလာဖွယ် ရှိပါတယ်။

လက်ရှိ လီဗာပူးအသင်းမှာ အားနည်းချက် တစ်ခုခု မမြင်မိဘဲ ဒီရာသီ ချန်ပီယံဖြစ်ဖို့ ရေပန်းအစားဆုံးပါလို့ အလန်ရှီးယားက ပြောပါတယ်။

ဖရန့်ဖတ်ဘက်ကတော့ လီဗာပူး စောင့်ကြည့်နေတဲ့ ကွင်းလယ်လူ Hugo Larsson အတွက် ပေါင် သန်း ၄၀ ဝန်းကျင် ရမယ်ဆိုရင် တားဆီးမှု မလုပ်ဘဲ ထွက်ခွင့်ပေးပါလိမ့်မယ်။