လီဗာပူးအသင်းဟာ ၂၀၂၄-၂၀၂၅ ဘောလုံးရာသီ ပရီးမီးယားလိဂ် ချန်ပီယံတွေအဖြစ် ဆုဖလား ကိုင်မြှောက်ခဲ့ကြပြီဖြစ်ပါတယ်။
အသင်းခေါင်းဆောင် ဗန်ဒိုက်ကတော့ မြို့တွင်း လှည့်လည်မယ့် ပါတီပွဲကို အကြီးကျယ်ဆုံးဖြစ်အောင် ဖန်တီးကြမယ်လို့ အသင်းပရိသတ်တွေကို အသိပေးပါတယ်။
ပွဲစဉ် ၃၈ အပြီးမှာ ဟာဗေး အယ်လီးယော့ဟာ ငိုကြွေးနေခဲ့တာကြောင့် ဒီနွေမှာ လီဗာပူးကနေ သူထွက်ခွာသွားတော့မယ်ဆိုတဲ့ သတင်းတွေက ပိုမို ခိုင်မာလာပါတယ်။
လူသစ်ခေါ်ယူရေး အပြီးမသတ်သေးပေမယ့် လီဗာပူးအသင်းဟာ အလေးအနက် ဆွေးနွေးစကားပြောမှု လုပ်နေပါတယ်လို့ မိုဆာလာက အသိပေးလာပါတယ်။
လီဗာပူးအသင်း အားကစားဒါရိုက်တာ ရစ်ချက်ဟုချ်နဲ့ FSG စီအီးအို မိုက်ကယ်အတ်ဝပ်တို့ဟာ ဒုတိယပိုင်း တစ်ခုလုံးနီးပါး ဆွေးနွေးစကားပြောမှု လုပ်နေခဲ့ကြပါတယ်။
ရော်ဘတ်ဆန်က ဒီနွေမှာ လီဗာပူးအသင်းဟာ အလုပ်များတဲ့ စျေးကွက်တစ်ခုကို ကျော်ဖြတ်လိမ့်မယ်လို့ ထုတ်ပြောခဲ့ပါတယ်။ အဝတ်လဲခန်းကတော့ အသင်းဟာ ကစားသမား အဝင် အထွက် ခပ်များများ ပြုလုပ်မှာကို ကြိုတင် သိရှိထားပြီးပါပြီ။
ဒီရာသီ အသင်းမှာ ပွဲထွက်ခွင့်မရတဲ့ အသင်းသားတွေဟာ ဆက်နေလို့စိတ် ရှိမရှိ မသေချာကြောင်းနဲ့ လာမယ့်အပတ်မှာ ဒီကိစ္စကို စတင် အဖြေရှာပါတော့မယ်လို့ အာနယ် ဆလော့က ဆိုပါတယ်။
ဘောလုံးရာသီ ပြီးဆုံးခဲ့ပြီဖြစ်တာမို့ မကြာခင်မှာပဲ လီဗာပူးအသင်းဟာ ဗက်ဇ်နဲ့ မီလိုစ့်ကာဇ့်တို့အတွက် ညိနှိုင်းမှုကို အရှိန်တင်ဖွယ် ရှိပါတယ်။ အပြောင်းအရွှေ့ ကိစ္စတွေ အကောင်းမြင်စရာရှိတယ်လို့ လီဗာပူးအကြီးတန်း တာဝန်ရှိသူတွေက တစ်ဆင့် အာနယ် ဆလော့ သိထားပါတယ်။
ဆုဖလားအောင်မြင်ပြီးနောက် ယာဂင်ကလော့ပ်နဲ့ အာနယ် ဆလော့တို့နှစ်ဦး အန်ဖီးကွင်းရဲ့ ဥမင်ထဲမှာ တွေ့ဆုံမှု လုပ်ခဲ့ကြပါတယ်။