အသင်းရဲ့ ခံစစ်ဟာ တောင့်တင်းမှုရှိနေဆဲဖြစ်ပေမယ့် ကွမ်းဆက်ရဲ့ နေရာကို အစားထိုးဖို့ အခုချိန်ထိ မလုပ်နိုင်သေးကြောင်း အာနယ် ဆလော့က ဝန်ခံပါတယ်။
အခြေအနေတွေ အရမ်းကြီး ပြောင်းလဲမလာဘူးဆိုရင် ဂရာဗင်ဘက်ချ်နဲ့ အန်ဒိုဟာ အရေးပေါ် ခံစစ်မှူးတွေဖြစ်လာမယ်လို့ ဆလော့က ဆိုပါတယ်။
ကွင်းလယ်လူ ဗက်ဇ်ဟာ လာမယ့်ရာသီမှာ ကွင်းလယ် နံပါတ် ၁၀ သမားအဖြစ် အဓိက ကစားမှာဖြစ်ကာ ဆိုဘိုစလိုင်းက နံပါတ် ၈ သမားအဖြစ် အနောက်ကို ဆင်းကစားပါမယ်။
လီဗာပူးအသင်းမှာ လက်ထောက်အသင်းခေါင်းဆောင် အသစ် ရွေးချယ်ထားပြီဖြစ်တယ်လို့ နည်းပြအာနယ် ဆလော့က ပြောပါတယ်။ ဒါပေမယ့် ဘယ်သူဆိုတာကိုတော့ ထုတ်ပြောဦးမှာ မဟုတ်ပါဘူး။
ကွင်းလယ်လူ မာကာဟာ အသင်းနဲ့အတူ လေ့ကျင့်ရေး အပြည့် ပြန်ဝင်နိုင်ခဲ့ပြီဖြစ်ပါတယ်။ ပြီးခဲ့တဲ့ ရာသီကုန်မှာ ဒဏ်ရာရခဲ့တဲ့ မာကာဟာ ကြံ့ခိုင်မှု ပြန်ကောင်းလာဖို့ အသင်းဘက်က ဂရုစိုက်ပေးနေပြီး ရာသီကြိုပွဲတွေကနေ အနားပေးခံထားရတာ ဖြစ်ပါတယ်။
တိုက်စစ်မှူး အီဆက်ဟာ နယူးကာဆယ်ရဲ့ စာချုပ်သစ် ကမ်းလှမ်းမှုကို ငြင်းဆန်ထားပြီး လီဗာပူးထံ ပြောင်းလိုကြောင်း သူ့ရဲ့ သဘောထားကို အခိုင်အမာ ဆုပ်ကိုင်ထားပါတယ်။
လီဗာပူးအသင်းဟာ ဒီနွေမှာ အင်အားဖြည့်မှု လုပ်ဖို့ တွန့်ဆုတ်နေမှာ မဟုတ်ဘဲ ဒါဟာ လာမယ့် ၅ နှစ်ကာလအတွက် အသင်းရဲ့ အမာခံထောက်တိုင်တွေကို စုဆောင်းထားနိုင်ဖို့ ရည်ရွယ်တာဖြစ်ပါတယ်။
၂၀၁၇ နဲ့ ၂၀၁၈ တွေတုန်းက ဆာလာ၊ ဗန်ဒိုက်၊ အယ်လီဆန်တို့ကို ခေါ်ယူခဲ့မှုတွေဟာ အသင်းအတွက် ကွင်းတွင်းအောင်မြင်မှုမှာကော ကွင်းပြင်ပ အင်အားကြီးထွားလာမှုအတွက်ပါ ဆယ်စုနှစ်နီးပါးလောက် အကျိုးအမြတ်ကြီးတွေ ဖြစ်စေခဲ့ပါတယ်။
လာမယ့်ရာသီမှာတော့ ဗန်ဒုတ်ထက် နူဂိုမိုဟာကို စီနီယာလူစာရင်းရဲ့ တိုက်စစ်ပိုင်း တစ်နေရာအတွက် ထည့်သွင်းသွားတော့မှာပါ။