နယူးကာဆယ်ပွဲကြို အသင်းလိုက်လေ့ကျင့်ရေးတွေမှာ ဘရတ်ဒလေနဲ့ ခံစစ်မှူးသစ် လီယိုနီတို့ ပါဝင်လာပါတယ်။ လီယိုနီဟာ ကျောနံပါတ် ၁၅ ကို ဝတ်ဆင်ထားပါတယ်။
ညာခြမ်းကစားသမား ဖရန်းပေါင်ဟာ တံကောက်ကြော ဒဏ်ရာကြောင့် ၄ ပတ်ဝန်းကျင် အနားယူရနိုင်ပါတယ်။
ပဲလေစ့်ဥက္ကဌကတော့ ဂူဟီအနေနဲ့ သက်တမ်းမတိုးဘူးဆိုရင် ရောင်းချနိုင်ကြောင်း ပြောဆိုလာပြန်ပါတယ်။ လီဗာပူးနဲ့ ပဲလေစ့်ကြားမှာ ဂူဟီရဲ့ အပြောင်းအရွှေ့အတွက် စကားပြောနေကြဆဲဖြစ်ပါတယ်။
အီဆက် မပါနိုင်ဘူးဆိုပေမယ့် နယူးကာဆယ်မှာ ဂေါ်ဒန်၊ အီလန်ဂါ၊ ဘန်းစ်၊ မာဖီတို့နဲ့အတူ တောင့်တင်းတဲ့ တိုက်စစ်ကြောင်း ရှိနေဆဲလို့ နည်းပြအာနယ် ဆလော့က ပြောပါတယ်။ အီဆက်ရဲ့ အပြောင်းအရွှေ့ ကိစ္စ ပြောဆိုပေးဖို့တော့ ငြင်းဆန်ပါတယ်။
ဂရာဗင်ဘက်ချ် ပါဝင်လာခဲ့ရင် လီဗာပူးအသင်း လူစာရင်းဟာ ဟန်ချက် ပိုညီလာမယ် ယုံကြည်တယ်လို့ နည်းပြအာနယ် ဆလော့က ပြောဆိုလိုက်ပြီး ကွင်းလယ် ၃ ယောက်ထဲက တစ်နေရာစာမှာ ဂရာဗင်ဘက်ချ် ပြန်နေရာရမယ်လို့ အရိပ်အမြွက်ပေးလာပါတယ်။
နယူးကာဆယ်ပွဲမှာ ကွင်းလယ်လူ ဆိုဘိုစလိုင်ကို ညာအစွန်လူအဖြစ် အသုံးပြုဖို့ရာ နည်းပြအဖွဲ့က စဉ်းစားနေပါတယ်။ ဆိုဘိုဟာ အဆိုပါနေရာမှာ ရာသီကြိုတုန်းကလည်း ကစားခဲ့ပါသေးတယ်။ အန်ဒိုကိုလည်း စဉ်းစားထားပါတယ်။
ခီယေဆာဟာ ဒီရာသီ လီဗာပူးအသင်းမှာ ဆက်ကစားဖို့ပဲ ရွေးချယ်ဖွယ်ရှိသလို ပြီးခဲ့တဲ့ ရာသီကထက် ပွဲကစားချိန် ပိုရလာနိုင်ကြောင်း နည်းပြအာနယ် ဆလော့က ပြောပါတယ်။
လူသစ်တွေ ထပ်ခေါ်နိုင်နေခြင်း မရှိတဲ့ လီဗာပူးအသင်းဟာ ဟာဗေးကို လက်လွတ်လိုက်တာထက် ဆက်ထိန်းထားဖို့ကို ပိုမို ဦးစားပေးလာနေပါတယ်။
ဘာ့ဆဲတစ်ကို ခေါ်ယူဖို့ လာလီဂါကလပ် ဂျီရိုနာအသင်းက စိတ်ဝင်စားနေပြီး လီဗာပူးအသင်းထံ ချဉ်းကပ်မှု စတင်နေပါတယ်။