မနေ့ညက ပြုလုပ်တဲ့ လီဗာပူးအသင်း လေ့ကျင့်ရေးမှာ ကွင်းလယ်လူ ဆိုဘိုစလိုင် မပါနိုင်သေးပါဘူး။ ရိုဘိုကတော့ လေ့ကျင့်ရုံအတွင်းမှာ အသင်းနဲ့ ပူးပေါင်းခဲ့ပါတယ်။
လီဗာပူးအသင်းဟာ အက်ဖ်အေဖလား စတုတ္ထအဆင့် ပွဲစဉ်အဖြစ် နော်ဝစ်ချ်အသင်းနဲ့ ယှဉ်ပြိုင်ကစားရမှာ ဖြစ်ပါတယ်။
လီဗာပူးအသင်းခေါင်းဆောင်ဟောင်း ဟန်ဒါဆန်ဟာ နယ်သာလန်ကလပ် အေဂျက်အသင်းထံ ပြောင်းဖို့ သဘောတူညီမှု ရရှိခဲ့ပြီ ဖြစ်ပါတယ်။
ပရီးမီးယားလိဂ် တိုက်စစ်မှူးဟောင်း ရော်ဘီကိန်းကတော့ လီဗာပူးအသင်းဟာ အမှတ်ပေးဖလား အနိုင်ရဖို့ အင်အားကြီးမားမှုမျိုး ရှိပါတယ်လို့ ထောက်ခံခဲ့ပါတယ်။
ကလပ်ရဲ့ ပစ်မှတ်စာရင်းထဲမှာ စပို့တင်း ခံစစ်မှူး Ousmane Diomande ပါဝင်နေကြောင်း နားလည်ရပါတယ်။ နွေမှာတော့ မာတစ်နေရာ ရေရှည် အစားထိုးမှု ပြုလုပ်ဖို့ လီဗာပူးဘက်က စီစဉ်ထားတာပါ။
ရော်ဘတ်ဆန် အချိန်မီ သက်သာလာတာကြောင့် ဇန်နဝါရီမှာ ဘယ်အစွန်လူ အိုဝင်ဘက်ကို စကော့တလန်လိဂ်ထံ ပြန်ပို့တာမျိုး ဖြစ်လာနိုင်ပါတယ်။
ဖာမင်နိုဟာ ဇန်နဝါရီမှာ ပရီးမီးယားလိဂ်ထံ ပြန်လာဖို့ အစီအစဉ် မရှိဘဲ ဆော်ဒီလိဂ်မှာပဲ ဆက်နေမယ်လို့ သတင်းထောက် ရိုမန်နိုက ထုတ်ပြောသွားပါတယ်။
ဘွန်ဒက်လီဂါလိဂ်ထံ ကင်းထောက်တွေ ချထားတဲ့ လီဗာပူးအသင်းဟာ မိုချန်ဂလတ်ဘတ် အသင်းမှ ဂျပန်သား ခံစစ်မှူး Ko Itakura ကို သဘောကျနေပါတယ်။ သူ့ကို ခေါ်ယူလိုရင် ယူရို ၁၅ သန်း ဝန်းကျင် ပေးရပါလိမ့်မယ်။