အပြောင်းအရွှေ့မှာ အသင်း စိတ်ဝင်စားမှု ပြသနေတဲ့ ကစားသမားများ၊ ပါလင်ညာရဲ့ ဂုဏ်ပြုစကားနဲ့ နံနက်ခင်း လီဗာပူး သတင်းတိုများ

လီဗာပူးအသင်းက အသင်းကောင်းဖြစ်ပြီး ကာရာဘောင်းဖိုင်နယ်မှာ ဒီလို အသင်းနဲ့ ယှဉ်ပြိုင်ရမှာ ကျေနပ်မိတယ်လို့ ချယ်ဆီးနည်းပြ ပိုချက်တီနိုက ပြောပါတယ်။

တိုက်စစ်မှူး ဂက်ပိုက ပြိုင်ဘက်ကွင်းတွေထဲ ပြင်းပြတဲ့ ပရိသတ်အားပေးမှု အရှိဆုံး ကွင်းဆိုရင်တော့ စပါးကွင်းဖြစ်တယ်လို့ ပြောပါတယ်။ သူကပဲ ဘယ်တောင်ပံမှာ ကစားရတာကို အကြိုက်ဆုံးလို့ ဖွင့်ဟပါသေးတယ်။

ဖူလ်ဟမ်ကွင်းလယ်လူ ပါလင်ညာက သူတို့ကို ကျော်ဖြတ်ပြီး ဖိုင်နယ်တက်သွားတဲ့ လီဗာပူးအသင်းအား ဂုဏ်ပြုပါတယ်လို့ လူမှုကွန်ယက်ကနေ ဖော်ပြသွားပါတယ်။

တံကောက်ကြော ဒဏ်ရာကနေ ပြန်သက်သာလာရေး ကုသမှု ခံယူဖို့အတွက် မိုဆာလာ အက်ဆာလေ့ကျင့်ရေးကို ပြန်ရောက်နေပါပြီ။

အမေရိကန် NFL အသင်း New Tennessee Titans ရဲ့ နည်းပြချုပ်ကတော့ ” လီဗာပူးအသင်းရဲ့ နည်းပြ ကလော့ပ်က အတူတကွ ကြိုးစားကြမယ်ဆိုရင် အရမ်းကောင်းတဲ့ တစ်ခုခု အောင်မြင်နိုင်မယ်လို့ ပြောခဲ့ပါတယ်။ ဒါကို ကျနော် ယုံကြည်ပါတယ်။ အသင်းမှာ ကျနော်လည်း အဲ့လို လုပ်မှာပါ ” လို့ ကလော့ပ်ရဲ့ နည်းပြမှုကို ကိုးကားခဲ့ပါတယ်။

တေလာမော်တန်က သူဟာ ငယ်စဉ်တည်းက အလွန်ဆိုကို အားကျပြီး လီဗာပူးကော အဲဗာတန်မှာပါ ခြေစမ်းမှုတွေ လုပ်ခဲ့ကြောင်းနဲ့ လီဗာပူးကတော့ ရင်ဘတ်ထဲက အသင်းပါလို့ ထုတ်ပြောပါတယ်။

ဘိုင်ယန်မြူးနစ်ကနေ ထွက်ခွာလိုတဲ့ ကမ်မစ်ကို နွေစျေးကွက်ကျရင် ခေါ်ယူလိုနေတဲ့ ကလပ်တွေထဲ လီဗာပူးအသင်းကလည်း မန်စီးတီးနည်းတူ ပါဝင်နေပါတယ်။

ဆိုစီဒက် အသင်းရဲ့ ဂျပန်လက်ရွေးစင် ကစားသမား ကူဘိုကို သဘောကျနေတဲ့ အသင်းတွေထဲ လီဗာပူးလည်း ပါဝင်နေပါတယ်။

လေဗာကူဆင် ခံစစ်မှူး Piero Hincapie ဟာ လီဗာပူးအသင်းရဲ့ ခံစစ် ပစ်မှတ် တွေထဲက တစ်ဦးဖြစ်ပြီး နွေမှာတော့ ဗဟိုခံစစ်ပိုင်း ခေါ်ယူရေးက ဦးစားပေး ဖြစ်လာပါမယ်။