လိုက်ဇစ်ကို ၁-၀ ဖြင့် အနိုင်ရတဲ့ပွဲမှာ အနိုင်ဂိုး သွင်းယူပေးခြင်းကြောင့် ဒါဝင် နူးညက်စ်ကို ချီးကျူးမှုတွေ ရှိနေပေမယ့် ကွင်းရဲ့ အခြားသော တစ်ဘက်ခြမ်းမှာလည်း အလားတူ ချီးကျူးခံရမှုတွေ ရှိနေပါတယ်။
အာနယ် ဆလော့ရဲ့ အသင်းဟာ ချန်ပီယံလိဂ်မှာ ၃ ပွဲကစား ၃ ပွဲနိုင် ရလဒ်နဲ့အတူ ချန်ပီယံလိဂ်အမှတ်ပေးဇယား ထိပ်ဆုံး ၂ သင်းထဲက ၁ သင်းဖြစ်နေတာပါ။ ဒါကြောင့်ပဲ ရှုံးထွက်ကို တက်လိမ့်မယ်လို့ ယုံကြည်ခံရမှုတွေ မြင့်တက်နေပါတယ်။
ပေါင် ၈၅ သန်း အကုန်အကျခံ ခေါ်ယူထားတဲ့ ဒါဝင်ထံက သွင်းဂိုးတွေ မြင်ရဖို့ နည်းပြဆလော့ တောင်းဆိုထားပြီး လိုက်ဇစ် အိမ်ကွင်းက အနိမ့်ပိတ်ချက်ဟာ များစွာသော သွင်းဂိုးတွေရဲ့ အစဖြစ်လာဖို့ မျှော်လင့်ခံနေရပါတယ်။
အကဲဖြတ်သူတွေနဲ့ လီဗာပူးပရိသတ်တွေ နောက်ထပ် နှစ်သက်နေတာကတော့ ဂိုးသမား ကလယ်ဟာပဲဖြစ်ပါတယ်။ အယ်လီဆန် ဒဏ်ရာရနေတာကြောင့် ချန်ပီယံလိဂ် ပွဲကောင်းအတွင်း ပွဲထွက်ကနေ ပါလာတဲ့ ကလယ်ဟာ ဟာ များစွာသော ကာကွယ်မှုတွေကို လုပ်ပေးခဲ့ပါတယ်။
လိုက်ဇစ်ပွဲမှာ ကလယ်ဟာရဲ့ ပေးပို့မှုက ၈၃% တိကျခဲ့သလို ကာကွယ်မှု ၄ ကြိမ်လည်း လုပ်နိုင်ခဲ့ပါတယ်။ ပရီးမီးယားလိဂ်ရဲ့ အကောင်းဆုံး နံပါတ် ၂ ဂိုးသမား ဆိုတဲ့ ဂုဏ်ပုဒ်ကိုလည်း ရထားတဲ့ ကလယ်ဟာ ဟာ နောက်နှစ်နွေမှာ လီဗာပူးကနေ ထွက်ခွာသွားဖွယ် ရှိနေသူပါ။
သူတို့ နှစ်ဦးအပြင် ကွင်းလယ်လူ ဂရာဗင်ဘက်ချ်၊ ခံစစ်မှူး ဗန်ဒိုက်တို့ရဲ့ စွမ်းဆောင်ရည်ကလည်း အထင်ကြီးခံရမှု များပြားခဲ့ပါတယ်။ ဗန်ဒိုက်ဟာ ခံစစ်ရဲ့ ထောက်တိုင်ဖြစ်ပြီး ဂရာဗင်ဘက်ချ်ကတော့ ဒီရာသီမှာ ထူးချွန်ခြေစွမ်းတွေ ပြသနေသူဖြစ်ပါတယ်။
ဒီလူစာရင်းဟာ ချန်ပီယံစိန်ခေါ်ဖို့ ပြင်းထန်တဲ့ စိန်ခေါ်မှု တစ်ခုအဖြစ် ဒီအပတ် အမ်းမရိတ်ကိုသွားပြီး အာဆင်နယ်နဲ့ ယှဉ်ပြိုင်ရမှာဖြစ်ပါတယ်။